Калтаса ужара
+20 °С
Пылан
Все новости
Новости
7 Апрель 2020, 23:00

ЕГЭ-м июньышто сдаватлаш тӱҥалыт

Тидын нерген республикысе образований министерствыште увертареныт

2020 ийыште ЕГЭ-м (единый кугыжаныш экзаменым) 8 июнь гыч сдаватлаш тӱҥалыт, а ОГЭ-м (тӱҥ кугыжаныш экзаменым) – 9 июнь гыч. Тидын нерген республикысе образований министерствыште увертареныт.
Тыгай пунчалым РФ-се образований да просвещений министерство ден образований ден науко сферыште текшырымаш Федераль службо, элыштына начар эпидемиологий обстановкылан кӧра, луктыныт.
ЕГЭ-н тӱҥ периодшо 25 май гыч 29 июнь марте эртышаш ыле, экзаменым чылаже 797 тӱжем тунемше сдаватлышаш. 9-ше классыште тунемше-влак ОГЭ-м 22 май гыч 30 июнь марте сдаватлышаш лийыныт. Тыште 1,4 миллион тунемше участвоватлышаш.
Кӧ ЕГЭ-м ончылгоч (досрочно) сдаватлаш шонен, нунат чыла дене пырля ик жапыште сдаватлаш тӱҥалыт.
Кызыт образований министерстве ден Рособрнадзор приказын проектше-влакым ямдылат.
Тиде кечылаште экзамен-влакын расписаний проект-влакым регионысо образований органлашке колташ тӱҥалыт.