Калтаса ужара
+18 °С
Пылан
Все новости
Новости
7 Апрель 2020, 22:00

«ИТС-Агро» ООО-што шошо агалан ямдылалтыт

Республикыште самоизоляций режим увертаралтын, калык пӧртыштӧ шинчышаш. Тольык вот ялыште илыше калык тиде пунчал почеш илен ок керт.

Республикыште самоизоляций режим увертаралтын, калык пӧртыштӧ шинчышаш. Тольык вот ялыште илыше калык тиде пунчал почеш илен ок керт. Вет фермылаште вольыкым пукшыман, ушкалым лӱштыман, шошо агалан ямдылалташ кӱлеш. Пасулаште лум шулен пыта, умбакыжат игече тыгак шокшо лиеш гын, кок арня гыч трактор-влак пасулашке лекташ тӱҥалыт.
«ИТС-Агро» ООО-то тыгак шошо агалан ямдылалтыт. Техникат ямде. Кызыт пырчым протравитлат.
– Тиде шошым мыланна икияш культура-влакым 1800 гектарыште ӱдаш кӱлеш, – ойла озанлыкын агрономжо Анастасия Волкова. – Шукыжым икияш шыдаҥым ӱдаш шонена. Мемнан кок сорт шыдаҥ уло. Кодший элитный пырчым налын улына. Тыгак 100 гектарыште пурсам да 600 гектарыште технический распсым ӱдаш тӱҥалына. Тыгак мемнан кокияшым ӱдымӧ пасуна-влакат улыт. Шыжым уржам 50 гектарыште ӱденна, тритикалем – 460 гектарыште.
Озанлыкыште шошо ага жапыште 12 еҥ тыршаш тӱҥалеш. Пасум кугу куатан CLASS-Аксион да Джондир трактор-влак дене куралаш тӱҥалыт. Канадыште ыштен лукмо «Барго» агрегат дене ӱдаш тӱҥалыт. Тыгак «Туман-2» самоходный опрыскиватель дене кокияш озымлашке минерал ӱяҥдышым шаваш тӱҥалыт.
Озанлык шошо агам кӱчык жапыште пытараш шона, тидлан тудын чылажат уло – техникыжат, пашазыжат. А пырчын качествыже шыжым сай лектышым налме нерген ӱшаным шочыкта. Озанлыкыште чыла пырче икымше репродукциян гына. Нуным специальный агрегат дене эрыктеныт, сортироватленыт, икте-весышт дечын ойыркаленыт.