Кужу ӱмыран еҥ-влак деке пагалымаш дене

Тыгай, шуэн вашлиялтше юбилей-влакым палемдыше еҥ-влакым мо ушен шога? Илышым йӧратымаш манын каласем гын, йоҥылыш ом лий очыни. Шужымо йоча годсо жапым, шучко сар ийлам, сар деч вара угыч нӧлтымо элым илен лекше пашазе-влак илышлан акым пеш сай палат, сандене нуно таче илыме кажне кечылан куанат.

А самырык тукымлан «колхоз паша», «информбюрон военный сводкыжо», «пычкемыш йӱд марте пашам ыштымаш» да молат ту ийлан историйже веле, а ветеран-влаклан – тиде илен эртарыме жап.

Мария Дмитриевна Изосимова ден Василий Васильевич Голубковын тыгай шарнымашышт ятыр.

Сар мийыме неле ийлаште ийготыш шудымо 14 ияш эрге Калтаса сушзаводышто пашам ышташ тӱҥалын. Армийыште служитлыме деч вара тудо тышкак пашам ышташ пӧртылын. Тӱрлӧ ийлаште ветеран Калтаса МСО-што пашам ыштен, Калтаса сушзаводын гаражшым вуйлатен, кочмыверыште вуйлатышын алмаштышыже лийын, а пенсий марте – АЗС-ште кугырак заправщикше.

Юбилярын пеҥгыде да келшен илыше еш. Александровка ялыште тудым чыланат палат да пагалат. Тудын ватыже, Людмила Васильевна, техникум деч вара распределений почеш Калтаса районыш пашам ышташ толын, райПотребсоюзышто бухгалтер лийын тыршен. 1961 ийыште ешым чумыреныт да теве икте-весыштым пагален 59 ий илат. Кум икшывым шочыктеныт да ончен кугемденыт, 5 уныкашт уло.

Василий Васильевич ӱмыржӧ мучко пашам тыршен ыштен, «Пашан ветеранже», «Тылыште тыршыше» лӱмжӧ уло.

Надеждин ялыште лесничийын полышкалышыже лийын. Тыштак шке пӱрымашыжым вашлийын. Фронтовик, Кугу Ачамланде сарын кредалмашыжым эртыше Изосимов Григорий Дмитриевич дене палыме лийын.

1954 ийыште нунын самырык ешышт шочын, Надеждин ялыште иленыт, вара Калтаса селаш кусненыт. Мария Дмитриевна лаборант, Калтаса сушзаводышто кондитер цехын мастерже, Калтаса шӧр заводын лаборантше лийын тыршен. Вате-марий Изосимовмыт ныл икшывым шочыктеныт да ончен кугемденыт. Кызыт Мария Дмитриевнам 6 уныкаже да уныкаже-влакын 7 икшывышт куандара.

2013 ий. Пелашыже колымо деч вара «Пашан ветеранже», «Тылыште тыршыше» лӱм-влак деке Мария Дмитриевна «Кугу Ачамланде сарын участникшын тулык ватыже» статусым пуэныт.

Юбиляр-влак Россий президент Владимир Путин деч посна саламлымашым, районысо ветеранмыт каҥаш, Калтаса селасе ветеранмыт тӱҥалтыш организаций да Калтаса ялсовет администраций деч саламлымаш ден пӧлек-влакым налыныт.