Сак лийза! Вӱдшор!

Эҥерыште, ерыште, пӱяште шошымсо вӱдшор жапыште ий шӱштыра лиеш. Тыгай ий ӱмбалне кошташ моткоч лӱдыкшӧ: тудо йол йымалне кеч-могай жапыште шаланен кертеш да вӱд йымак каен кертыда.

Тидым шарнаш кӱлеш:

шошымсо ий йымак вашке пурен каяш лиеш;

эн ончыч сер воктене ий вашкерак шула;

лум дене петыралтше шошымсо ий вашке шӱштыраш савырна.

Шошымсо вӱдшор да ий тарваныме жапыште чаралтеш:

эҥерыш, ерыш, пӱяш да вӱд шинчыме верыш лекташ;

ий тарваныме жапыште эҥер гоч лекташ;

ий чумыргымо верыште лияш;

тура сер воктене шогаш;

ий чумыргымо вер воктеке мияш;

сер деч ийым шӱкалаш;

эҥерын, ерын, пӱян келгытшым висаш;

ий ӱмбалне кошташ да мунчалташ.

Шошымсо вӱдшор икшыве-влаклан поснак кугу лӱдыкшым конда. Икшыве-влак ача-ава да кугыеҥ деч посна кодыныт гын, нуно лӱдыкшылыкым шотыш налде, тура сер воктене модыт, ий ӱмбалне мунчалтат. Тыгай шотдымылак шучко эҥгекыш конден кертеш. Шошым поснак тӱткӧ лийман да икшыве-влакын кушто модмыштым текшырыман.

Ача-ава-влак! Кугыеҥ-влак деч посна эҥер деке ида колто: ий ӱмбалне ты жапыште коштмаш могай кугу эҥгекыш конден кертыме нерген ойлыман. Шошымсо вӱдшорышто шкем кузе кучаш кӱлмӧ правил-влакым ушештаренак шогыза. Вӱд воктене модаш чарыза. Катлыше ий, йӱштӧ вӱд, писе йогын колымашке шуктен кертыт. Шарныза, шошым ий тарванаш тӱҥалме жапыште тӱҥ шотышто икшыве-влак дене эҥгек лиедат. Сандене шошымсо вӱдшорышто да ий тарваныже жапыште лӱдыкшыдымылык правил-влак нерген ойлыза:

Шошымсо вӱдшорышто ий ӱмбаке ида лек.

Тура сер воктене ида шого – тудо уралт кертеш.

Те вӱдыш пурен кайымым ужында гын, аптыранен ида шогал, мӧҥгыда ида курж, а кугу йӱк дене полышым ӱжса, кугыеҥ-влак колыт да полышым ончыкташ толын.

Шошымсо вӱдшорышто да ий тарваныме жапыште поснак сак лийман.

Шке илышдам аралашак тыршыза!