Калтасасе волонтер-влак самоизоляцийыште улшо илалше еҥ-влаклан полшат

Районышто волонтер-влак илалше еҥ-влаклан полышым ончыктат. 1 апрель гыч коронавирус инфекций ынже шарле манын, инвалид, 65 ий деч кугырак ийготан еҥ-влаклан полышым ончыктымо окружной штабым ыштыме лийын.

Ты жаплан волонтер-влак отрядыш ийготыш шудымо икшыве-влак дене пашам ыштыше пӧлка да «Центр» клубын пашаеҥже-влак, Краснохолмский, Кугу Качак да Келтей ялсоветла гыч самырык-влак дене пашам ыштыше специалист-влак пурат.

Нуным аралыме средства-влак дене пойдарыме. Тиде маске, перчатке да антисептик-влак. Волонтер штабым район администрацийын самырык-влак дене пашам намийыше комитет вуйлатыше Эрик Борисович Мурсакаев вуйлата. Районышто илыше еҥ-влак 8 (34779) 4-22-01, 4-15-43, 4-21-25 номер-влак дене 9 гыч 17.00 шагат марте йыҥгыртен кертыт.

Волонтер-влак илышкыл йодышым решатлымаште полшен кертыт, тыгак пӧртыш продукт ден эм-влакым кондат, профилактикым текшырыме шотышто консультацийым эртарат.

Тыгак волонтер-влак профилактика мера нерген информаций да самоизоляций режимым текшыраш кӱлмӧ нерген лаштык-влакым шалаташ полшат.

Палашда! Волонтер штабын кондымо кочкыш продукт ден эм-влак йодшо граждан-влакын оксашт дене налылтыт. Проектын волонтержо-влак пӧртыш огыт пуро. Продукт-влак полышым йодшо еҥын илыме лишыл кевытыште налылтыт.