Социаль пашаеҥ-влак самоизоляций условийыште шкет илыше пенсионер-влак полшат

Илалше еҥ-влаклан самоизоляций шотышто пеҥгыде режим, поснак 65 ий деч кугырак ийготан еҥ-влаклан, тачысе кечылан ик эн тӱҥ йодмаш. Тиде ийгот лӱдыкшӧ тӱшкаш пура. Калтаса районышто шкет илыше пенсионер-влаклан социаль пашаеҥ-влак полшаш толыт. Ты паша кузерак мия? Тидын нерген мыланна «Вера ЦСОН АНО вуйлатыше Наталья Иксанова ойлыш.

– Таче кушкылго огыл ситуацийыште ме ик кечыланат шке пашанам чарен огынал, – ойла Наталья Владимировна. – Мемнан рӱдерыште 27 социаль пашаеҥ тырша, нунын попеченийыштышт 65 ий деч кугырак 346 илалше еҥ. Кажне социаль пашаеҥ пашаш лектеш, нунылан кочкыш продуктым, эмым, кӱлшӧ сатум конда, тыгак вӱдым кондат, кочкаш шолтат, пӧрт кӧргым эрыктат, кутырат – кызыт илалше еҥ-влаклан тидыже моткоч кӱлешан.

Кугырак ийготан еҥ-влак кугу рискыште улыт, сандене лач нуным соцпашаеҥ-влак аралаш да пӧрт кӧргыштӧ пашам шукташ полшаш тыршат. Тидын годым Наталья Иксанован мутшо почеш, социаль пашаеҥ-влак районышто илыше 65 ий деч кугырак ийготан чыла еҥлан полышым ончыктат. Тидлан «шокшо линийыш» 8 (34779) 4-15-45 номер дене йыҥгырташ кӱлеш.

Илалше еҥ-влаклан полшышо-влак кокла гыч иктыже Людмила Александрова Ильтыбаева. Тудо 20 ий утла социаль пашаеҥ лийын тырша. Кызыт тудын попеченийыштыже 14 еҥ. Тиде Калмаш ялыште да Краснохолмский селаште илыше-влак. Илалше еҥ-влак тудын пашажым моктен ойлат.

Ты куштылго огыл инфекционный обстановко шке правилыже-влакым ышта. Сандене илалше еҥ-влакым тазалыкышт верч тургыжланымаш да ты профилактика мерым шуктен толмаш – ик эн тӱҥ паша. Сандене социаль пашаеҥ-влак илалше еҥ-влак деке маске, перчатке дене толыт, шекланыме чыла мерым шуктат.

Социаль пашаеҥ-влак нунылан тыгак коронавирус профилактике мера-влак нерген ойлышаш улыт. Сандене уремыш ынышт лек манын, шкешт деч шогышыжым чылажымат ыштат. Людмила Ильтыбаева да Калмаш ял гыч Афанасьева Лидия Васюковнам мӧҥгыштӧ шинчаш ужыт (фотосӱретыште).