Йоча-влакын тул дене модмышт кугу эҥгекын конден кертеш

Тений ты амаллан кӧра, Калтаса район территорийыште кок пожар лийын. 11 январьыште Кӧтерем селаште тул деч сурт-оралте локтылалтын. А 8 февральыште йоча-влакын тул дене модмыштлан кӧра, пӧрт йӱлен.

Йоча-влакын тул дене модмыштлан кӧра пожар-влак чӱчкыдын лиедат. Кузе практика ончыкта, тиде йоча-влакын тул дене шекланен кучылтдымыштлан, кугыеҥ-влакын нунын койыш-шоктышыштым текшырыдымылан кӧра пожар-влак лийыт.

Пагалыме ача-ава-влак! Ты проблеме моткоч пӱсӧ лийын кодеш. Тидым шарнышаш улыда – шучко трагедий лийын кертмым ончылгоч шижтараш кӱлеш. Сандене икшыве-влак дене пожар безопасность нерген мутланымашым эртарыман.

Икшыве-влаклан уда койышым ончыктыман огыл: нунын ончылно тамакам ида шупш, пычкемыш пӧлемым волгалтараш кагазым ида йӱлате. Икшыве-влак логалдыме верыште шырпым аралыза.

Пӧртыштӧ тӱз огыл але шке ыштыме электрический прибор-влакым ида арале. Шарныза – изи тул кугу эҥгекыш конден кертеш.

Икшыве-влакым тулым ылыжтымым, шырпе але зажигалке, йӱлышӧ жидкость дене модмым ужында гын, эртен ида кае, нуным чарыза!

С. Атналина