Кушкыллан 18 градус шокшо келшен толеш. Кеҥежым 22 градус деч кӱкшӧ кузышаш огыл. Чот шокшо да кукшо пӧлем кушкыллан келшен огеш тол: пеледышын лышташыже куптырга да йогаш тӱҥалеш.
Кушкыл волгыдым йӧрата гынат, тудым кечыйол деч аралыман.
Кеҥежым вӱдым арнялан кок але кум кече гыч шукырак, а телым изиш шагалрак шавыман, 7-10 кечылан ик гана. Бальзамин чот вӱдыжгылыкым огеш чыте, поснак – йӱштӧ пӧлемым: тӱрлӧ чер налеш, да пеледыш кошка.
Кушкылым пушкыдо мландышке шындыман.