Ийготыш шудымо икшыве-влак дене пашам намийыме шотышто райкомиссийын погынымашыже заочный режимыште эртен.

Пашам ыштыше шыгыремдыме мера да самоизоляций режим ийготыш шудымо икшыве-влак дене пашам намийыме шотышто район комиссийын пашаштыже шке кышажым коден. Тудын черетан погынымашыже, 9 апрельыште эртен, чыла йодмаш да аралалтме мера-влакым текшырыме лийын. А эн тӱҥжӧ, петыралтме заочный режимыште: пашаште административный материал-влак гына лийыныт. А нунылан правам аралыше-влакым серен возымо келшымашыштым налын лончылымо.

Чылаже 13 административный протоколым возымо лийын. Тиде тӱҥ шотышто «ача-ава статья-влак» лийыныт – РФ КоАП-ын 5.35 статьян 1-ше ужашыже – ача-ава-влакын шке пашаштым шуктыдымыштлан. Материал-влакын ужашыже «комендантский шагатым» пудыртышо икшыве-влакын ача-авашт шотышто лийын. Кажне случайыште наказанийым пуртымо – шижтарымаш гыч штраф марте.

Эше тидым палемдаш кӱлеш, самоизоляций режимыште пӧрт деч ӧрдыжтӧ яра жапым эртараш чаралтеш. Тачысе кечылан тидын законодательство почеш пуртымо, поснак ийготыш шудымо икшыве-влаклан. Республикыште «комендантский шагат» пурталтын. Икшыве-влак 18 гыч 13 шагат марте урем воктене коштшаш огытыл.

С. Аркадьева