Калтаса ужара
+21 °С
Пылан
Все новости
Новости
14 Апрель 2020, 14:00

Муным чиялтена

Муным куркума, йошкарушмен сок, йошкар ковышта, шем чай дене чиялташ лиеш

Шокшо вӱдыш кок-кум кугу пане куркумам пыштыза. Тӱс волгыдырак лийже манын, вӱдым шолтыман. Но шекланыза: йоген кая гын, плитам эрыкташ неле, куркума – пеш виян чия. Ямде лемыште муным кийыктыза. Тӱс волгырак лийже манын шонеда гын, шолтыза.
Волгыдо кыне тӱсан лийже манын, шолтымо муным йошкарушмен сокыш пыштыза.
Муным йошкар ковыштам пыштыман вӱдыштӧ кийыкташ гын, канде тӱсыш чиялга. Тидлан кок вуй ковыштам пел литр вӱдышкӧ падыштен пыштыза, тушкак куд кугу пане уксусым ешарыза. Лемым йӱдвошт шинчыктыза. Вес кечын тушто шолтымо муным кучыза.
Нугыдо шем чай муным кӱрен тӱсым пуа.
Ӱстембалне мрамор семын йылгыж кийыше муно сайын коеш. Мраморым ушештарыже манын, кевытыште налме кочкыш (пищевой) красителян вӱдыш ик кугу пане нӧшмӱйым ешараш кӱлеш.