“Восходын” механизаторжо-влак удан огыл тыршат

Районысо озанлыклаште пасу паша шолеш манаш лиеш. Эртыше арнян посна озанлыклаште шукияш шудым тырмаленыт гын, таче вӱдыжгым петырымаште удан огыл тыршат.

«Восход» СХК-ын механизаторжо-влак вӱдыжгым петырыме пашалан кугу вийым ойырат. Тыште тачысе кечылан ик эн тӱҥ пашаш кугу кум Т-150 да кум гусеничный ДТ-75 тракторым ушеныт. Поснак тидым палемдаш кӱлеш, чыла кум Т-150 тракторат мужыраҥме колеса-влак дене куралаҥдалтыныт. Тидыже чот вӱдыжгӧ мландыште пашам ышташ полша. Озанлыкыште 2 тӱжемат 240 гектар кумдыкышто вӱдышгым петыраш кӱлеш. Икияш культурым ӱдашлан чыла пасум эше эртыше ийын шыжымак курал кодымо лийын. Кугу кумдыклан, мутат уке, кугу куатан технике кӱлеш. Икымше кечынат 6 агрегат 100 гектар утла кумдыкым тырмален. Кеч тидым кошкышо верлаште гына ыштыме лийын гынат. Сандене озанлыкыште вӱдыжгым петырыме сомылым жапыште да сайын шуктымо лиеш манын, кугу ӱшан уло.

Калтаса ИКЦ-ын данныже почеш, тыгак вӱдыжгым петырыме пашам «Победа» ООО-ын Кугу Качакысе производственный участкыштыже, «Заря» СХПК-ште, Бикмурзин, Биктимиров, Шуматов, Минилбаев, Васбиев кресаньык-фермер озанлыклаште уда огыл темп дене мия.

Ю. Шамсутдинов