Калтаса ужара
+18 °С
Пылан
Все новости
Новости
16 Апрель 2020, 14:45

Коштымо гвоздикым пурза

Тамле пушан ты специй ятыр черым эмла

Паразитым эрыктен лукташ манын, икмыняр пырче гвоздикым кочмо деч пел шагат ончыч кечеш кок гана пурза. Сӧсан уке гынат, профилактике йӧн семынат пеш пайдале. Гвоздике деч сӧсан веле огыл, золотистый стафилаккок, дифтерийный палычке, эсогыл туберкулезный палычке лӱдыт.
Гвоздикым кажне кечын пураш тӱҥалыда гын, стоматит, парадонтоз, пӱйшыл пуалме нергенат мондеда. Логар кошташ тӱҥалмым шижмекат, вигак икмыняр пырче гвоздикым умшаш налза, тунам ангине огеш лий, логар писын корштымым чарна.
Кочкыш сайын шулыжо, пагар да шоло сайын пашам ыштышт манын, кок пырче гвоздикым ик изи пане мӱй дене пырля кочмо деч 15 минут ончыч пурза. Тыгак гвоздике колиткым, метеоризмым, изи кислотностян гастритым эмла.
Гвоздикыште эвгенол уло. Тудо раковый клетке-влаклан кушкаш чаракым ышта, у клетке-влаклан шочаш ок пу. Ешыште рак черан-влак улыт гын, гвоздикым пураш тыршыза.
Изи давлений дене орланеда гын, икмыняр пырче гвоздикым пурза. Пайдаже кофе деч утларак лиеш. Вуй корштымо, пӧрдмӧ эрта, вий толеш. Тыгак гвоздике ласкан мален колташ полша.
Шотыш налза: пагар да двенадцатиперстный шоло йора, кугу давлений годым гвоздикым пурман огыл.