Эухарис, але амазонский лилий

Эухарис икымше гана октябрь гыч теле марте пеледеш, кокымшыжлан – шошым. Кеҥежым кушкылым 25-30 градус шокшышто кучаш лиеш, а телым южын температурыжо 15-18 градус лийшаш. Тура кечыйол логалеш гын, эухарис кошка, сандене тудым ӱмыланрак верыш шындыман.

Пеледме пагытыште вӱдым сайынак оптыман, а март гыч авгст марте, кушкылын канымыж годым, вӱдым оптыман огыл, лач мланде ынже кошко манын гына шекланыман. Тудо тыгак вӱдыжгым йӧрата, сандене лышташышкыже вӱдым шыжыктыман, ночко лапчык дене ӱштман.

Кушкылым шоган дене шаркалат. Рокым 3-4 ийлан ик гана вашталтат.