Все новости
Новости
21 Апрель 2020, 12:20

Курым мучко аралыме йӱла

Башкортостаныште Калык костюмын кечыже икымше гана 17 апрельыште, онлайн форматыште эртен.

Башкортостанын Калык келшымаш пӧртын пресс-службыжын информацийже почеш, республикыште лӱмын пайремлан дистанционно 40 утла мероприятийым ямдыленыт да эртареныт. Тиде мастер-класс, лекций, выставке да флешмоб-влак. Тыгеракын, Калык келшыман пӧртын YouTube каналже калык костюмын элементшым ыштыме шотышто у онлайн-урок, республикыште илыше калыкын кочкышыжо, пайрем да калык йӱла дене календарь, тыгак видеолекций-влак дене ешаралтыт.
Instagram, Вконтакте, Facebook сетьлаште «Калык костюм дене фотосӱрет» флешмоб эртен, тудыжо республике территорийыште илыше-влакымат авалтен. Социаль сеть дене пайдаланыше-влакын личный страницылаштышт 5000 утла фотосӱретым савыктыме. Акций мучаште ты фотосӱрет-влак дене видеороликым ямдылыме лийын, тудо регионышто мыняр тӱрлӧ калык илымым тичмашнек ончыкта.
#мойнацональныйкостюм #милликостюм #культурабашкирии #народы башкирии #нацкостюмэтомодно хештег-влак почеш чыла фотосӱрет дене палыме лийын кертыда.
Тыгак 17 апрельыште Zoom платформышто «Башкортостан Республикыште илыше калыкын костюмжо» научно-практический конференцийже эртен.
«Башинформ» ИА.