Апрельыште могай эм шудым погыман?

Куэгичкым

Пӧчыжшудым

Тумо шӱмым

Пӱнчыгичкым

Поланвондо шӱмым

Эм шудым погымо годым опкынланыман огыл. Пушеҥге, кушкыл дене чонан семын кутыралтыза.

«Тазалыкем пеҥгыдемдаш, эмлаш кӱлеш да погем. Мылам вий-куатым пуыза», – манын ойлыман. Пушеҥгым руаш, укшыжым тодышташ огеш кӱл, а кушкылым тошкен, руэн, куклен кодыман огыл. Шарныман: нуно вес еҥланат, ончыкылык тукымланат кӱлыт. Кажныже кушкылым сусырташ тӱҥалеш гын, мыланна полшышо эм огеш лий.