+10 °С
Облачно
Новости
24 Апреля 2020, 09:20
Олмапу але вишне кылмымым кузе палаш?
Южгунам олма, вишне але вес саскан пушеҥге телым кылмен але укем вигак палаш неле. Тидым тергаш манын, икмыняр йӧным темлена.
Добавить в предпочтительные источники Google
Лышташнер лекташ тӱҥалме деч ончыч икмыняр изи укшым пӱчса да, пӧртыш пуртен, вӱдыш шындыза. 10 кече жапыште вондо нерым колта гын, пушеҥге эмганен огыл.
Кокымшо йӧн – лышташнер лекмым вучыза, тудым бритве дене пелыгыч пӱчса. Пӱчмӧ верын тӱҥжӧ ужарге гын, пушеҥге кылмен огыл, шеме гын – кылмен.
Тыгак пӱчмӧ укшым вӱдыш кок-кум кечылан шындыза. Вара пелыгыч пӱчса да ончыза: пушеҥге рӱдӧ волгыдо гын, лӱдыкшӧ уке, а изиш шемемын гын – кылмен.
