Калтаса ужара
+18 °С
Пылан
Все новости
Новости
30 Апрель 2020, 23:00

Пошкудо-влак дене келшен илыман

Тыге шотла Владимир Ляпустин, Калтаса районышто правам аралыме шотышто уполномоченныйын общественный полышкалышыже

Тыге шотла Владимир Ляпустин, Калтаса районышто правам аралыме шотышто уполномоченныйын общественный полышкалышыже
Тендан деке еҥ-влак чӱчкыдын полышым йодын толыт? Тыгай йодышым ме Калтаса районышто правам аралыме шотышто уполномоченныйын общественный полышкалыше В.А. Ляпустинлан пуышна.
– Чӱчкыдын манын каласаш ок лий, туге гынат йодыш-влак пурат, – каласыш Владимир Алексеевич. – Район комиссийын составше дене яллашке лекме годым граждан-влак шуко йодышым пуат.
Пел ий жапыште комиссий дене пырля ме Павасола, Калмиямучаш, Шоръял, Амчемучаш, Калегин, Савакмарий, Тошто Яш яллаште начар ешлаште лийна.
Тыгак комплексный пашаште ийготыш шудымо икшыве-влакым илыш условийышт, шуко икшыван еш-влаклан районысо службо, верысе власть деч могай полыш ончыкталтме дене интересоватлалтам.
Граждан-влак дене погынымаштат ты йодышым тарватем, шкет илыше илалше еҥ-влак шотышто тӱткышым ойырем. Мыйым, Калтаса районышто правам аралыме шотышто уполномоченныйын общественный полышкалыше семын, ийготыш шудымо икшыве-влак коклаште шкем шке пытарымаш факт-влак моткоч тургыжландарат. Ты шотышто профилактика пашам эртарыман.
Шукерте огыл мый декем Шоръял гыч С. гражданин пошкудыж дене начар илыме шотышто йодыш дене толын ыле. Тыгай случайлаште мый эре тыге ойлем: «Пошкудо-влак дене келшен илыман».