Калтасасе медик-влак лӱдыкшӧ вирус ваштареш кучедалаш полшат

Калтаса селасе райрӱдӧ эмлымверын пашаеҥже-влак Нефтекамск оласе инфекционный госпитальыш вахте дене пашам ышташ каеныт.

Нефтекамск оласе эмлымверыште COVID-19-лан положительный результат дене пациент-влакым приниматлаш инфекционный госпитальым почыныт. Тидлан лӱмын посна зданийым ойыреныт, а тудыжо эмлымвер территорийыште верланен. Госпитальыште персонал автономный режимыште пашам ышта. Тиде врач, медшӱжар-влак вахте дене, мӧҥгышкӧ лекде, пашам ыштат.

Шуматкечын, 25 апрельыште, кузе Калтаса эмлымверын социаль сетьшын официаль страницыштыже увертареныт, Нефтекамскысе медик-влаклан мемнан эмлымвер гыч пашаеҥ-влакат полшаш каеныт.

Медшӱжар Гайнанова Динара Альфисовна, медшӱжар-анестизист Сташкова Анастасия Владимировна, процедура медшӱжар Ишаева Карина Сергеевна да врач Муфазалов Салават Якупович инструктажым эртымеке, Нефтекамск олаште COVID-19-ым эмлаш, госпитальыш, вахтыш кусненыт. Вахте 14 кече шуйна, варажым кок арня изоляцийыште шинчат.

Медик-влакын пашашт неле да лӱдыкшӧ. Айста нунылан тазалыкым, вийым да чытымашым тыланена. Медик-влак Калтаса районышто илыше калыкым самоизоляций режимым текшыраш ӱжыт. Нуно йӱдшӧ-кечыже пашам ыштат. Мӧҥгыштӧ кодса. Шкендам аралыза!

С. Аркадьева.