Куэвӱд

Кызыт куэвӱдым погымо жап. Ты йӱышын тазалыклан пайдале улмыжым чыланат палат, очыни. Куэвӱд пагарым да шолоран пашаштым саемдаш полша, организм гыч уто вишкыдым луктеш, авитаминозым эмла, микробым пытара, иммунитетым пеҥгыдемда. Тылеч посна куэвӱд вергым, мокшым эрыкта, подагра деч арал, вӱргорнылан да шӱмлан пайдам ышта.

Аллергиян еҥ-влаклан куэвӱдым шекланен йӱман. Молылан лӱдаш амал уке.

Шотыш налза!

Куэвӱд кечывал гыч куд шагат кас марте чотрак йога. Пушеҥге яндар верыште кушшаш. Кӱжгырак куэм ойырыман. Ида ру! Куэм чот эмгаташ огыл манын, тушан про дене рожым ыштыза да рож кугытан пучым чыкыза. Вӱдым погымеке, шӱтымӧ вереш пу пашкарым кырыза, рожым петырыза.

Куэвӱдым кочмо деч пеш шагат ончыч 1 стакан дене кечеш 3-4 гана йӱман. Ты йӱышым, янда атыш поген, холодильникыште 5 кече марте аралаш лиеш.