Пион моторын пеледше манын…

Пион кужу жап ик верыште кушкын да моторын пеледын кертеш. Но тидлан тудым чын ончыман. Вӱдым шовыме да йырже мландым пушкыдемдыме деч посна шошым ӱяҥдаш кӱлеш. Лум шулен пытымеке, вигак ӱяҥдышым пуыман. Тидлан азотан да калийян ӱяҥдыш кӱлеш. Ик вондо вожлан 10-15 г азотым да 10-20 г калийым налман.

Кокымшо гана пеледышлыкым погымо жапыште ӱяҥдыман: ик вондыш 10-15 г азот, 15-20 г фосфор, 10-15 г калий кӱлыт.

Кумшо ган, пеледмеке ик-кок арня гыч (кичкым погаш тӱҥалме жапыште), ӱяҥдыман. Пионлан фосфор (15-20 г) да калий (10-15 г) кӱлыт.

Шотыш налза. Ӱяҥдышым ямдылыме годым нормым эскерыза. Азот шукырак логалеш гын, лышташ гына чот кушкеш, пеледлык начарын чумырга.