Мӧҥ ысӧ ферма

Шочшо игын ончыкыжым чыве але агытан лийшашыжым ныл йӧн почеш пален налаш лиеш.

Икымше йӧн. Пуным ончат. Шулдырлаште чыла пун икгай кужытан гын, тиде агытан. А теве пун тӱрлӧ да кужу-кӱчык, кӱчык-кужу гын, ончыкыжым тудо чыве лийшаш.

Кокымшо йӧн. Игым, кок йолжо гыч кучен, унчыливуя сакат. Иге тоя семын тӧр кеча гын, тугеже тудо агытан. Иге кадыргылын да шулдыржо дене лупшен, кӱшкыла кӱзаш тырша гын, тугеже тиде чыве. Но иге кум арня деч кугурак гын, йол гыч кучен сакыме йӧнлан эҥерташ пайдалыжак огыл – йоҥылыш лияш лиеш.

Кумшо йӧн. Оржам кучен. Игын вуй воктен улшо оржаж гыч кок парян дене кучат. Иге, рончен пӱтырымӧ гай тарванылын, шулдыржо дене лупшкедылын утлаш, йолжым кӱшкыла нӧлташ тӧча гын, тугеже тиде чыве.