Кочам дене кугешнем

Петров Иван Петрович 1921 ийыште Башкир АССР Калтаса районысо Кӱшыл Качмаш ялеш шочын. 4 классым тунем пытарен.

1940 ий 1 октябрьыште Калтаса районысо военкомат гыч армийыш налыныт. Кугу Ачамланде сарыште 1941 ий 2 август гыч 1944 ий 20 декабрь марте 1004-ше стрелковый полкышто командир лийын. Сарышке рядовой солдат лийын каен, а мӧ‰гыжӧ сержант званий дене пӧртылын.

Кочамын лӱддымылыкшӧ нерген тыгай документ (наградной лист) раш ойла:

«Приказ № 26 по Гвардейскому Кавалерийскому Краснознаменному полку 7-й Гвардейской Кавалерийской Житомирской Краснознаменной и ордена Богдана Хмельницкого дивизии. Первого Украинского фронта от 25 августа 1944г. № 06/н, действующая армия».

Рядовой, 1-ше эскадронын автоматчикше Петров Иван Петрович ССР Верховный Совет Союзын президиумжо деч «За отвагу» медаль дене палемдалтын. 1944 ий 16 августышто кредалмаште илышлан кугу лӱдыкшым ыштен кертмым шотыш налде, немыч пуля йӱр йымалне позиций деке шуын, огневой точкыжо-влакым да орудийын расчётшым чын пален налын. Тыште И.П. Петров шкенжым лӱддымӧ да тале салтак семын ончыктен, тудлан кӧра кок тушманым пулемет точкыжым темдалме.

Кокымшо «За отвагу» медальым 1944 ий 28 декабрьыште пуэныт. Ты жапыште 3-шо стрелковый батальонын 7-ше стрелковый рота пӧлкан командирже И.П. Петров 4-ше Украинский фронтын 305-ше Белгородский Краснознаменный стрелковый полкын 1004-ше Салеборский стрелковый полкын составыштыже кредалын.

Кокымшо медальым налмыж годым тудо кум гана сусырген лийын: 1941 ий 2 августышто, 1941ий ноябрьыште, 1942 ий январьыште.

1944 ий 29 ноябрьыште кредалмаш корныжым Польша олаште пытара. Сар деч вара шочмо ялыштыже колхозышто бригадир лийын пашам ыштен. Санук ватыж дене пырля шым икшывым ончен куштеныт.

Кочам сарыште коштмыж нерген ойлаш йӧратен огыл. Пайрем кечын, ӱстел коклаште, ялысе фронтовик-влакын сар нерген ойлымышт годым кочам утларакшым колыштын гына шинчен.

Тудо 1978 ий 10 декабрьыште ош тӱня дене чеверласен.

О.А. Петрова, Кӱшыл Качмаш ял.