Калтаса ужара
+29 °С
Пылан
Все новости
Новости
13 Ага 2020, 13:15

Чолга мурызо Артур Ефремов марий калык ден чеверласен

Артур Ефремов – чолга мурызо, уста гармончо, сем мастар да мут мастар. Тудо Пошкырт кундемын вучымо да пагалыме унаже гына огыл, тыгак марий калыкын поро йолташыже лийын. Артур эре шыргыжалын воштылын, порын пелештен калыклан да чон почын нунын дене кутырен.

Артур Ефремов – чолга мурызо, уста гармончо, сем мастар да мут мастар. Тудо Пошкырт кундемын вучымо да пагалыме унаже гына огыл, тыгак марий калыкын поро йолташыже лийын. Артур эре шыргыжалын воштылын, порын пелештен калыклан да чон почын нунын дене кутырен.
Марий эстрадыште Артур Ефремов чын марий еҥ лийын! Кузе тудо сценыште шкенжым моштен кучен: кушталтен колтымыжо, муро савыртышыже, яндар йӱкшӧ, гармонь шупшылмыжо – чыла чын.
Мутат уке, могай чонлан неле…Вет мемнан йӧратыме мурызынан илышыже ӱмыр лугыч лийын… Ах, Артур! Могай ыле тудо: поро, шыма, весела, тале, чын…
Артур Ефремовын мурыжо-влак илышаш улыт, йоҥгалтарыза да колыштса, тыге тудо эре мемнан коклаште лиеш да илаш тӱҥалеш. Пошкырт марий калык Артур Ефремов ден кугешна да нигунамат огеш мондо! Тый мемнан чонешна эрелан кодат!
Л. Крлабаева. Васола ял.