«Кӧн ава капиталым налаш праваже уло, тыгай еш-влаклан ешартыш тӱла лиеш. Нуно кум ияш марте кажне икшывылан 5000 теҥге дене налыт. Ты оксам еш кум тылзе налеш – апрель гыч июнь марте», – каласен кугыжаныш вуйлатыше.
Тылеч посна ача ден ава ик жаплан пашавер деч посна кодын гын, ийготыш шудымо кажне икшывылан тылзылан кум тӱжем теҥге дене налыт. Ты тӱламат кум тылзе тӱлымӧ лиеш.
Нужнан илыше еш, тыште кажне еҥлан доход илен лекташ ситыше минимум деч ӱлышрак гын, кум да шым ияш марте икшывылан тӱлам оформитлен кертыт.
Тыгай тӱла-влак талук тӱҥалтыш гыч тӱлалтыт. Сандене йодмаш июньышто пуымо лиеш гын, оксам иканаште пелийлан налын кертыт. Тиде кажне икшывылан 33 тӱжем теҥге дене, тыгак еш ончыкыжым тылзе еда тӱлам налаш тӱҥалеш. Элыште ик икшывылан 5,5 тӱжем теҥге дене лектеш.
«Кызыт икшыван кажне ешлан кугыжаныш полыш кӱлеш. Тидым ме ыштышаш улына. Сандене икшывым ончымылан налме пособийым кок ганалан кугемдыман, 3375 гыч 6751 теҥге марте. Тыгай пособийым пашам ыштыдыме граждан-влак налыт, тидын годым студент-влак. Самырык ача-ава, самырык ава-влаклан полышым ончыктыман», – каласен Владимир Путин.
«Российыште илыше кажне еш, тений 1 июнь гыч кажне икшывылан 10000 теҥге дене ик гана пуымо полышым налын кертеш – тидым эрласе кече гыч, «Госуслуги» портал але Пенсий фонд гоч ышташ лиеш, – каласен кугыжаныш вуйлатыше.