1 №-ан Краснохолмский кыдалаш школ «100 балов для Победы» всероссийский акцийыш ушнен

Акций выпускник-влакым единый кугыжаныш экзаменлан ямдылаш манын эртаралтеш. Шке видеообращенийже дене тунемше-влак деке М. Акмулла лӱмеш БГПУ-ын икымше курсышто тунемше студенткыже Фазлутдинова Ильмира лектын. Кодший тудо англичан йылме дене ЕГЭ-м 85 баллан сдаватлен (туныктышо Э.Ф. Вильданова), обществознаний дене – 89 баллым поген (туныктышо Е.А. Мухтарова) да руш йылме дене 80 баллым (туныктышо Д.А. Лагунова). Ильмиран секретше – шкендын кечедым да жапедым организоватлен мошташ тунемман. Чыла жапым тунеммашлан гына ойырыман огыл, тыгак канашат жапым муаш кӱлеш. Тыгак Уфасе БГУ гыч шокшо саламым Исламов Фердинанд колтен. Тудо кодший историй (туныктышо Е.А. Мухтарова) дене ЕГЭ-м сдаватлен да 89 баллым поген. Самырык историк пала, тыршен тунеммаш да чытымашлан кӧра кеч-могай нелымат сеҥаш лиеш. Кодшийсе ЕГЭ годым кӧ вара эше кӱкшӧ баллым поген? Хайдаров Нияз Санкт-Петербургысо горный университетын студентше. Тудо математике дене 78 баллым поген (туныктышо Миниханова С.И.), физика дене 82 баллым (туныктышо Ю.Н. Тимерьянова), руш йылме дене 71 баллым (Д.А. Лагунова).

УГНТУ-ын тачысе студенткыже Гильмалетдинова Динара пала, ЕГЭ-лан ямдылалтме годым рашемдаш кӱлеш, тый аудиал, визуал але кинестетик улат. Тиддеч вара гына экзаменлан ямдылалташ тӱҥалаш лиеш. Динара шке туныктышыжо-влакым тыгай балл-влак дене куандарен: математике дене 76 баллым поген (туныктышо Миниханова С.И.), химий дене 79 баллым (туныктышо А.К. Галиакбарова), руш йылме дене 71 баллым (Д.А. Лагунова). Тенийсе выпускник-влакат мемнан школын поро йӱлажым умбакыже шуят манын ӱшаныме шуэш.

1 №-ан Краснохолмский КШ.