Кӧтерем села гыч Суербаевмыт ешыште йыгыр икшыве-влак шочыныт

«Индеш тылзе ӱшан, индеш тылзе йӧратымаш», – май пайрем-влак деч ончыч, 23 апрельыште, Кӧтерем селаште илыше ик ешыште пиалан событий лийын – икымше йоча да эше йыгыр, шочыныт. ™дыр ден эрге ача ден авам куандареныт.

Тӱнямбал еш кече вашеш, Калтаса районысо ЗАГС пӧлкаште йоча-влакын шочмыштым официально регистрироватленыт. Йоча-шамычын икымше документыштым налаш ача – Дмитрий Геннадьевич толын, а авашт, Инна Григорьевна, пӧртыштӧ икшыве-влак дене кодын. Коронавируслан кӧра элыштына обстановко неле, сандене пӧртыштӧ лияш сайрак. Йоча-шамычлан мотор лӱмым – Назар ден Ангелина – пуэныт.

«Тиде сылне кечын мый тыланда эн порым гына тыланен кодам, тек тендан икшывыда-влак таза да пиалан кушкыт», – каласыш йоча-влакын шочмо кагазыштым кучыктышыла ЗАГС пӧлка вуйлатыше Ирина Валеева.

Суербаевмыт еш Кӧтерем селаште, шке чоҥымо пӧртыштӧ ила, посна сурт озанлыкым куча. Дмитрий Геннадьевич «Транснефтьыште» линейный трубопроводчик лийын тырша, а Инна Григорьевна, декретыш кайымыж деч ончыч, Нефтекамск оласе «Нефазыште» тыршен. Дмитрий шуко ойлен огыл, туге гынат ме шижынна, тудо моткоч пиалан. Вет кунам икшыве шочеш, тиде чынжымак кугу пиал. А Суербаевмытлан тиде кок гана кугырак пиал. Вет нунын йыгыр икшыве шочын. Назар ден Ангелина, пиалан да таза кушса.

***

Тений районышто 79 йоча шочын. Идалык ончыч, 13 майыште, 68 йочам регистрироватлыме улмаш. «Шуко икшыве шочмаш мемнам куандара веле», – каласыш ЗАГС пӧлка вуйлатыше Ирина Валеева.

С. Аркадьева.