Пытартыш оҥгыр дистанционно эрташ тӱҥалеш

Башкирийыште 11 классыште тунемше-влаклан пытартыш оҥгыр 29 майыште йоҥгалтеш.

Пайремым выпускник-влак моло ийласе семын огыт эртаре. Кузе «Башинформ» агенствылан республикысе образований да науко министрын алмаштышыже Ильдар Мавлетбердин каласыш, федераль министерствын шӱдымыж почеш, школлаште пытартыш оҥгыр-влак йоҥгалтыт. Но тольык нуно дистанционно эртат. Тунемше ден туныктышо-влак коклаште виш кыл лийшаш огыл, тыгак пайремым кафеште эртарыман огыл, - палемден тудо. – Муниципалитетлашке онлайн-флешмоб-влакым але моло мероприятийым эртарыме шотышто серыш-влакым колтымо.

Тыгак республикысе образований да науко министрын алмаштышыже палемдыш, нылымше да индешымше классыште тунемшыланат, йочасадын выпускникше-влакланат пытартыш оҥгыр дистанционно йоҥгалтеш. Ильдар Мавлетбердин тӱшка дене погыныман да пӱртӱсыш лектын коштман огыл манын палемден.

Выпускной кас шотышто эше пунчалым лукмо огыл. Просвещений министерствыште тиде йодыш каҥашалтеш.

«Башинформ» ИА.