Калтаса ужара
+21 °С
Пылан
Все новости
Новости
19 Ага 2020, 17:20

Нуж чыла черым почкалтен луктеш

Нуж аскорбин кислоталан поян. Тыгак тушто С, В1, К витамин-влак, пантотеновый кислота, каротин, гликозид, уртецин, фитостерин, протеин, калий, кальций, кўртньӧ, каротин уло.

Кечыште 100-150 грамм нужым кочкаш гын, организм суткалан кўлешан пайдале вещества-влакым дене пойдаралтеш. Калык медициныште нужым мокш, шекшгалта чер, пагар-шоло корно пуалме, малокровий, диспенсий, золотухо, лихорадке, пагар йора, падагре, геморрой, азам пукшышо авалан шӧр лекташ, шекар диабет, эпилепсий, истерий, хронический бронхит годым йўыт. Нуж вўр составым саемда, гемоглобиным нєлталеш. Неле паша але черле кийыме деч вара вийым пӧртылта. Аскорбинкылан, каротинлан поян улмыжлан кӧра хронический нойымо, авитаминоз годым, тыгак иммунитететым пеҥгыдемдаш, вещества-влак алмашталтмым саемдаш пайдале.Нужым май-июньышто пеледмыж годым погыман.
Майысе нуж гыч витаминлан пурам ямдылаш лиеш. 15 см кутышан самырык нужым погыза, сайын мушса да кум литран банкыш пелыж марте оптыза. Вара ўмбакыже шолтен йўкшыктарыме вўдым темыза, кок кугу пане шекарым ешарыза. Банке аҥым марле дене пўтыралза да пычкемыш верыш кум кечылан кораҥдыза.
Тазаҥдыше чай пайдале. Чайым 15 шагат гыч 19 шагат марте йўман. Кок кугу пане нуж ўмбак кок литр шокшо вўдым темыза да изишак шинчыктыза. Чай организмым витамин да минеральный вещества-влак дене пойдара, вергын, мочеполовой системын пашажым саемда, вўрым эрыкта.
Иммунитетым пеҥгыдемдаш, шўм пашам, вўрым саемдаш, холестериным иземдаш манын, настойкым ямдылаш лиеш. 200 грамм самырык свежа нуж ўмбак пел литр ош аракам темыза. Кленчам марле дене пўтыралза. Ик сутка окнаште кучыза, кум суткам – пычкемыш верыште. Ямде настойкым кочмо да малаш возмо деч ончыч ик изи пане дене йўза. Ик кленчам йўын пытарымешке эмлалтман.
Шўмын пашажым саемдаш манын, самырык нужын пеледмыж деч ончыч кўшыл ужашыжым погыман, пычкемыш верыште коштыман. Вич кугу пане тыгыдемдыме коштымо нуж ўмбак пел литр вўдым темыза, изи тул ўмбалне шолтыза. Пел стакан дене кечеш ныл гана мўй дене луген йўза.
Вергын пашажым саемдаш манын, ик стакан вўдлан ик изи пане коштымо нужат сита.
Нефрит да пиелонефрит годым ик стакан вўдлан ик-кок кугу пане нужым налман. Вўд пар ўмбалне 15 минут кучыман да кочмо деч ончыч пел стакан дене йўман. Вергым эрыкташ суткалан ик гана 3 грамм дене нуж нӧшмым йўман. Кок-кум арня тыге эмлалтман.
Нужым шӧнчал дене лугаш да ты вартышым сайын туржмеке, пуалше верлаш пышташ гын, тудым вашке шупшылеш, шўйшӧ йора эрыкталтеш.
Кўм шулыкташ манын, нуж сокым вўд дене (1:2 кугыт дене) варыза. Кечеш кок-кум гана 50 мл дене йўаш лиеш. Ик кугу пане дене кажне кок шагат гыч йўаш гын, эше сайрак. Азам пукшышо ўдырамашын шӧржӧ шукырак лийже манын, свежа нужын сокшым вўд дене (1:2 кугыт дене) варыман, шолаш пуртыман, йўкшыктарыман да ик-кок изи пане дене кечеш кум гана кочмо годым йўман.
Эмлалтме деч ончыч врач дене каҥашыза.