Калтаса ужара
+18 °С
Пылан
Все новости
Новости
26 Ага 2020, 19:20

Редиc. Мо дене тудо пайдале?

Редис С, В витаминлан, кӱртньылан, калийлан поян. Саска кунар чеверрак, тунар витамин шукырак.

Ты саскаште клетчатке шуко, садланак тудо шолоралан пайдале, организм гыч шлакым да токсиным луктеш, вӱрысӧ холестериным нормышто куча. Редисыште 14 калорий гына, сандене диетым кучшо-влакат лӱдде кочкын кертыт. Тыгак бактерийым пытарыше фитонцид ятыр уло, сандене саскам кылмыме годым кочкаш гын, вашкерак тӧрланаш лиеш.
Редисын лышташыжымат салатыш пышташ лиеш, але шӱрыш, тыгак тушитлен кочкаш пеш тамле.
Гастрит да язве черан-влаклан редисым арнялан ик гана гына кочман.
Редис тазалыклан изи огыл пайдам конда. Радикулит витара гын, редис шӱмым корштымо верыш компресс семын пыштыман.