Финно-угор улына

Тачысе жаплан водь калык Ленинград областьыште Кингисеппский районын йӱдвелыштыже (Лужицы, Краколье да Пиллово яллаште) да Эстонийын касвел-эрвел кундемыштыже ила. 1926 ийысе перепись годым Ленинград областьыште 694 да уло Россий мучко 705 водь шотлалтын. Таче нуно шагалын кодыныт.

2010 ийлан Российыште 64 еҥ шотлалтын (2002 ий – 74 еҥ ) тушеч 33 еҥ Ленинград областьыште илен, 26 еҥ – Санкт-Петербургышто, икмыняр еҥ – Москваште. А Эстонийыште 2002 ийысе перепись годым 9 водь веле лийын. Водьын кутырмыжо эстон йылмын йӱдвел-эрвел диалектшым ушештара.

Кызыт тиде йылме йомаш тӱҥалше йылмылан шотлалтеш, шукынжо рушла кутырат. А водь йылме дене кутырышо эн самырык еҥ 1938 ийыште шочын.