Пеледышым ончышылан

Адениум – эркын кушшо изирак пушеҥге але кӱжгырак вондер. Укшыжо кӱчык, но шуко. Лышташыже йылгыжше, пеледышыже кугу – ошо гыч тӱҥалын, шемалге-йошкар тӱс марте лийыт.

Пеледыш кечым йӧрата, садлан тудым кечывалвел могырышто шындыман. Кеҥеж жаплан ӱмыланрак верыш кораҥдыза.

Шинчыше вӱдым шавыман. Телым пеледышыш мландыже кошкымеке веле вӱдым шавыман. Самырык пеледышым идалыкыште ик гана вес рокыш кусарыман, а кугыракым – кӱлеш лийме семын. Кӧршӧк лопка лийшаш, но келге огыл. Кӧршӧкын тӱсшӧ шемалге ынже лий, кечеш чот ырен кертеш. Шыже велеш кушкыл лышташ нарынчалга да йога.