Суртозалан

Пӱнчӧ ден шопкем йыгыре шындаш ок йӧрӧ. Рӱдаҥме черым шарыше поҥго эн ончыч пӱнчыштӧ шочеш. Вара шопкеш але топольыш кусна. Шыже тӱҥалтыште, шопке лышташ йоген пытымек, микроорганизм йогымо лышташ йымалне ила, шошым пӱнчыш кусна, тушто уэш вийым поген кушкаш тӱҥалеш.

Ломбо ден кожым тыгак йыгыре шындыман огыл. Шошым рӱдаҥме черым шарыше микроорганизм кож пӱгыльмыште кушкеш. Вара мардеж пуалме дене ломбо лышташыш кусна. Теле мучко ломбышто ила гын, шошым вийым налаш уэш кожыш кусана.