Оҥай

Тиде – аморфофаллус титанический. Вес семынже «виля пеледыш», «кишке пальме», «Вуду лилий», «ия йылме» маныт. Кушкыл-влакым шыркаҥдаш насекомый-влак толышт манын, шопо кол але шыл пуш келшен толеш.

Кушкылын кӱкшытшӧ кок метр утла лиеш, а лопкытшо – 1,5 метр утла. Кажне кечын 7 сантиметр дене 25-50 кг нелытан пареҥге гыч кушкеш, кушкылын нелытше 75 кг марте шуэш. Икмыняр ийлан ик гана веле пеледеш, пеледышыже 2-3 кече шога, вара петыралтеш. Виля пушан. Пеледмыж годым ик ужашыже 40 градус марте ыра, шокшыжо йырваш шарла, температур 32 градус марте кӱзен кертеш.

Ончыч Индонезийысе Суматра островышто гына кушкын. Кызыт тӱнямбалсе ботанический садлаште теплицыште кушкеш.