Чоялыкат утара

Пӧртыштыда уда пуш озалана? Тугеже тудым пытараш тыгай йӧн-влак полшен кертыт.

Сайын петыралтше банкыш але бокалыш лилий, роза, моло пеледвш бутон лышташым пыштыза, шӧнчалым шавалтыза. Тыге, ате теммешке икмыняр лончым оптыза. Пытартышлан 3-4 кугу пане ош аракам але спиртым ешарыза. Кажне гана, кунам уда пушым пытараш кӱлеш, икмыняр минутлан банкыдам але бокалдам почса!

Лимон шӱмым тыгыдемдаш да батарей ӱмбаке опташ гын, тидат пӧлемыш тамле пушым шараш полша.

Эше тыге ышташ лиеш: лампычкым чӱктымӧ деч ончыч тушко йӧратыме духидам але одеколоным шыжыктыза – чӱчыктымеке, пӧртда тыманмеш тамлын ӱпшалташ тӱҥалеш.