Уфа олаште «Терра Башкирия» турнирын VI-ше этапыштыже сеҥышым пален налме

Эртыше каныш кечын Уфа олаште «Терра Башкирия» имне дене таҥасыме турнирын кудымшо этапше эртен. «Акбузат» ипподромын корнышкыжо Аскин, Калтаса, Гафурий да Туймаза районын чапшым аралыше-влак лектыныт. Таҥасымаш зритель-влак деч посна эртен, туге гынат чыла тыланыше шке имнешкыже верч БСТ телеканалын тура эфиржым ончен да болетлен кертын.

Кок таҥасымашым иктешлымеке, 22 баллым поген, Гафурий район гыч Владик Загидуллин сеҥыше лийын. Аскин район гыч жокей Вадим Харисов кокымшо верыш лектын, кумшо – Калтаса район гыч Денис Сатыев. Нылымшыжат мемнан район гыч Дмитрий Клок лийын.

Сатыев Денис Марий Мераҥ гыч, Кумушбаев кресаньык-фермер озанлыкын чапшым арален, Тӧлдӧ ял гыч Дмитрий Клок – Ленин лӱмеш СХПК. Нуно ий еда районысо сабантуйлаште шке мастарлыкыштым ончыктат. Тыгак кокымшо ий почела «Терра Башкирия» турнирыште участвоватлат. Нунын нерген мемнан газетнан лишыл номерлаштыже каласкалена.

Ушештарена, «Терра Башкирия» имне дене таҥасыме республике турнир 2019 ий гыч эртаралтеш. Тудо башкир тукым имньым палаш, имне дене тасаҥыме спортым вияҥдаш, тыгак имньым ашныме сомылым вияҥдаш манын эртаралтеш.

Э. Мурсакаева.