Кушкыл эмла

Кививште А, В, В1, В2, В3, В6, С, Е витамин, магний, калий, каротин, фермент, минераль шӧнчал, натрий, клетчатке, никотиновый кислота улыт.

Тидыже емыж-саска шӱм-вӱргорно чер тургыжландарыме годым пайдале. Тудо вӱргорно стенкым пеҥгыдемда, вӱр пурен кертме лӱдыкшым иземда, давленийым нормыш конда. Кивиште улшо калий организмыште вӱд-шӧнчал балансым нормышто кучаш полша да тидын дене кӱпнымӧ деч арала.

Ик кивиште иммунитетым пеҥгыдемдаш, черланыме годым писынрак паремаш полшышо, инфекцийым чытен кертме вийым ешарыше С витаминын суткаш нормыжо уло.

Емыж-саскаште улшо пектин вещества шолылан моткоч пайдале. Тудо микрофлорым тазаҥда, вещества алмашталтмаш деч кодшо осал продуктым организм гыч луктеш.

Экстренный диетым кучаш кӱлмӧ годымат киви полшен кертеш. Тудо калорийлан моткоч нужна, тыгодымак тӱрлӧ минерал ден витаминлан поян, утыждане аздаралтмым кораҥда, вӱд-шӧнчал балансым саемда да тидын дене каҥгешташ сай йӧным ышта.

Тылеч посна кивим вергыште кӱ погынымо, вӱр ситыдыме (анемий), атеросклероз, ревматизм да моло чер тургыжландарыме годым кочкаш пайдале.