Кушкыл эмла

Петрушко тамле пушан ужар йӧр шудо веле огыл, тудо тӱрлӧ витаминлан да микроэлементлан поян, организмлан моткоч кӱлешан кочкыш. Тудо А, С, В2,В1, К, РР витаминлан поян. Петрушкышто С витамин лимонысо деч шукырак.

Тыгак ты кушкылышто хром, вӱргене, цинк, магний, кӱртньӧ улыт. Тудо шӱм-вӱргорно пашам нормыш кондышо ферментлан, инулинлан, фолиевый кислоталан поян. Шукерте огыл петрушкышто онкологий черым чактараш полшышо да тудым умбакыже вияҥаш чаракым ыштыше миристицин веществам муыныт.

Петрушко могай черым эмла да тудым кунам кочман?

Тудо тӱрлӧ пуалмым шӧрышӧ средстве, иммунитетым пе‰гыдемдаш полшышо чапле антиоксидант;

Черым шарен кертше микробым пытара, вӱргорным пеҥгыдемда;

Организм гыч шондым писын лукташ полшышо чапле кушкыл, садлан тудым шондо йогымо канал, шондыгалта, шондо шӱвыроҥ, шондыгорно, шондым ойырышо орган-влакын пашам начарын ыштымышт годым кочкаш пайдале;Гастаритым да пагар йорам эмлаш кӱлмӧ годымат ты кушкылым кочкыт;

Кочкышым шулыктарыме пашам да аппетитым саемдаш кӱлмӧ, шӱм, верге тургыжландарыме годымат петрушко полшен кертеш; Пӱй эмальым сайын ошемда, пӱйшылым пеҥгыдемда, келге куптырым йывыжаҥдаш кушкыл вартышан маскым ышташ темлат.