Калтаса ужара
+18 °С
Пылан
Все новости
Новости
23 Июнь 2020, 19:55

Кугезе йӱла илаш туныкта

Йоча-влаклан умылтарыман: уремыште погымо кайык пуным йӱлаташ огеш лий – илыш корныжо ломыжыш савырна. Тыгак кайык пыстылым ӱпыш пижыктыман огыл.

Кӱзым киндыш керлын огыт кодо. Ешыште туманлымаш да кредалмаш лиеш.
Вате марийжын упшыжым чийышаш огыл, уке гын, когыньыштынат ушышт кӱчык лиеш.
Мӱшкыран ӱдырамаш йӱкын чот воштылшаш огыл – йочаже полдаге шочеш.
Вате ден марийлан ик шовычо дене ӱштылтман огыл. Тиде пеҥгыде мужырлан огыл.
Омса лондемыште шинчаш ок йӧрӧ. Ешдыме рвезе ӱдырым налын огеш керт, ватан марий шкет кодеш.