Лавыра колесалан штрафым пыштат

Башкирийын Кугыжаныш Погынын депутатше-влак лишыл пленар погынымаште «О внесении изменений в Кодекс Республики Башкортостан об административных правонарушениях» пунчалым илышыш пуртынешт. Региональ Курултайын пресс-службыжын данныйже почеш, тӱзатыме сферыште вуйын шогымо пашашке икмыняр уым пуртынешт да пашам ыштыше штраф-влакым угыч ончынешт.

«Чӱчкыдын тыгай сӱретым ужаш лиеш: ола дене грузовик кудалеш да тент укелан кӧра тушеч шӱк, песок, цемент йога, – умыландарыш БР Кугыжаныш Погын вуйлатышыже Константин Толкачев. – Тыгак машина-влак чоҥымо, мланде пашам шуктымо моло верла гыч мушдымо колеса дене лектыт, уремлаште лавырам шалатен кодат. Пудыртымо моло пример – ӱйым йоктарат але палемдыме огыл верлаште автомобильыштым мушкыт. Тиде мемнан илыме верланна эстетический веле огыл, тыгак санитар, экологический шотышто эҥгекым ышта. Тыгай пашалан наказатлыман».

Машинан уремым лавыртымыжлан 500 гыч 1000 теҥге марте штраф пышталтеш, должностной еҥ-влаклан – 4 гыч 7 тӱжем теҥге марте, юридический еҥ-влаклан – 20 гыч 25 тӱжем теҥге марте.

Тыгак тӱзатыме сферыште моло законопректым пуртымо лиеш. Тиде тошкалтышым, пандусым лум деч жапыштыже эрыктыдымылан штрафоватлаш тӱҥалыт.

«Башинформ» ИА.