Тӱлыдымылан – кок гана кугырак штраф

Калтаса район территорийыште «Должник» оперативно-профилактический мероприятий эрта. Тудын цельже – административный правонарушений паша шотышто штрафым тӱлымаш.

Полиций пашаеҥ-влак суд пристав-влак дене пырля рейд-влакым организоватлат, тиддеч ончыч извещений-влакым колтат.

Административный штрафым тӱлыдымылан РФ КоАП-ын 20.20 статьяжын 1 ужашыже дене келшышын, 14 административный протоколым возымо. Суд правам пудыртышо-влакым административно мут кучаш шогалтен, тыгак штрафым тӱлаш ыштен. Штрафын кугытшо – тӱлыдымӧ суммым кок гана кугемденыт.

Россий МВД-ын Калтаса районысо пӧлкаже административный штрафым жапыштыже тӱлен шогаш йодеш.

А. Загиров.