Медик-влакым саламленыт

Район Культура пӧрт площадь ончылно мемнан тазалыкнам аралымаште тырыше еҥ-влакым – медицине пашаеҥ-влакым – саламленыт.

Нуным профессиональный пайремышт дене саламлаш район администраций вуйлатыше Ю.М. Садыров толын.

– Тендан пайремда – калыкын тазалыкшым аралымаште тыршыше-влаклкан тауштымаш, – каласыш тудо. – Тений поснак Медицине пашаеҥын кечыжым палемдышыла, ме нунын кӱлешлыкыштым шижына. Таче нунын пашашат моткч шуко. Чытымыланда, поро улмыланда кугу тау тыланда.

Поро да чон гыч лекше тау мутым тыгак Калтаса эмлымверын тӱҥ врачше В.Р. Зарипов, медицине пашаеҥ-влакын профушем вуйлатышыже К. В. Жукова, Краснохолмский эмлымверын амбулаторий вуйлатыше Х.А. Хабиров ойлышт.

Кажне кечын тыршен ыштыме да ӱшанле лийын кодмо пашаштлан нуно РФ ден БР здравоохранений министерстве, Калтаса район администраций, РФ ден БР здравоохранений пашаеҥ-влакын профушемыштын рӱдӧ комитетшын Чап грамотышт дене палемдалтыныт.

Равиль Винерович Зарипов кажне пашеҥжылан таум каласен да кажне кечын, эрдене, ош халатым чиен кабинетыш, операционныйыш, лабораторийыш, вашке полыш машинашке шичше да эмлымверыште кӱвароҥам мушшо-влак ончылно вуйыжым савен.

Здравоохранений сферыште тыршыше пашаеҥ-влакым тыгак районысо Культура пӧртын да Краснохолмский селасе «Нефтяник» ДК-ан артистше-влак саламленыт.