Калтаса ужара
+29 °С
Пылан
Все новости
Новости
1 Сӱрем 2020, 15:00

Шолыштынат – мутым кучо

Районышто илыше пӧръеҥ кок ий правосудий деч шылын илен, туге гынат автомашинам шолыштмыжлан да йӱлатен колтымыжлан тудым наказатленыт.

Районышто илыше пӧръеҥ кок ий правосудий деч шылын илен, туге гынат автомашинам шолыштмыжлан тудым наказатленыт
2018 ий июльышто Краснохолмский селаште илыше пӧръеҥ машинам шолышташ тӧчен, вара тудым йӱлатен. Тудын туге чот машина дене коштымжо шуын, очыни, сандене тыгай осал пашам ыштен. Эн ончыч тудын шинчажлан ВАЗ «шестерка» пернен. Но тудым шолышт кертын огыл: тӧрзажым кӱ дене пудыртен, но машинам заводитлен кертын огыл – аккумулятор шинчын улмаш.
Туге гынат, тиде тудым чарен огыл, тудын тугай чот машина дене коштмыжо шуын.
Тудо эше, ынде вес машинам, шолышташ лийын. Тиде гана ВАЗ-2107 автомашинам ойырен налын. Тиде транспорт средствым тудо шолышт кертын. Коштын ситарымеке, машинам чодыра воктен шогалтен да осал пашан кышажым ӱшташ манын, тудым йӱлатен.
Ик ий мучко осал пашам ыштыше еҥ, правосудий деч шылын илен. Туге гынат, оперативно-кычалме пашам эртарымылан кӧра, тудым Казань олаште кычал муыныт. Тиде уголовный пашаште точкым суд шынден.
Кузе Россий МВД-ын Калтаса районысо пӧлкажын дознаний пӧлкажын вуйлатышыже М.Р. Кагиров умылтарыш, осал пашам ыштыше еҥым РФ УК-ын 166-шо статьяжын 1 ужашыже дене келшышын, титаклыме. Тудым 5 ийлан эрык деч посна коден кертыт. Судитлалтше еҥ автомашинан озажлан чыла пӧртылтен, а машина оза тудым чаманен да судышто уголовный пашам чарыме нерген ходатайствым йодын заявитлен. Тиддеч вара РФ УПК-ын 25-ше статьяж дене келшышын осал пашам ыштыше еҥ ваштареш, уголовный пашам петырыме.
С. Аркадьева.