Тыныс илышлан тау

Калтасамыт патриотический акцийыш ушненыт

Российыште 24 июнь Шарнымаш да чап знак дене эртен. москваште Сеҥымаш парад лийын. Башкирийыште тӱшка мероприятийым эртарыме огыл гынат, шарнымашеш кодшо моло акций-влакым эртареныт.

Район калык «Голубь мира» акцийыш ушнен. Тыныс илышын ош шулдыран символжо дене войзалтыныт да фото-влакым соцсетьлашке вераҥденыт. Тыге калтасамыт ветеран, тылыште тыршыше, Шочмо элнам тушман деч аралыше-влаклан тауштеныт. Йочасадыш кошто икшыве ден соцприютын воспитанникше-влак асфальтыште «Я рисую мелом» конкурсышто участвоватленыт.