Марий пӧръеҥ лӱм-влак

Тиде лӱмын шочмыж нерген кум версий уло, нуно финно-угор шомакла гыч лиймым ончыкта. Ерсай лӱм марлашке ерсаш шомак гыч лектын, маныт. Тудо чот сагынаш (ужмо шуаш) да йокрокланаш манмым ончыкта. Удмурт йылмыште йырса (йырсазё) шомак уло. Тудо пӱсӧ ушан е‰ манме лиеш. Кумшо версий почеш Ерсай лӱм erzӧ венгр мут гыч лектын. Тидыже ушан-шотан да шижын моштышо еҥ манме лиеш. Ерсайым ныжылгын Ерсун, Ерсут маныт. Тыгак ты лӱм дене икгайрак – Ирсай (кӱчыкын Ирса, ныжылгын Ирсек). Тиде акрет марий лӱм ирысе-эрысе манме лиеш – эрдене шочшо.

Эшпай.

Сай йолташ манме лиеш. Лӱм кок ужаш гыч шога: акрет годсо марий ден удмурт йылмыла гыч «эш» мужыр але йолташ манын кусаралтеш. «Пай» – сай, йӧратыме, лишыл. Тиде лӱм негызешак икмыняр фамилий шочын: Эшпай, Ишпаев, Ишпайкин. Тыгак Ешпай лӱм уло, но тудо сай, йӧратыме еш манмым ончыкта.

Марис.

Тале, пагалыме манмым ончыкта.