Пайдале каҥаш

Чевер кеҥеж чыла шотыштат сай. Эн ончычак шокшылан поян. шокшо луым ок туго маныт. Тидыже тыге, но кунамже йондымылыкшат уло. Пале, чот шокшо годым кочмо ок шу. А тидын деч посна кӧргылан сайжак огыл. Кеч-могай игече годымат тудлан кочкыш логалшаш. Кузе вара лийманже?

Медик-влак эрдене, юалге годым шокшо кочкышым сайынрак авызлаш темлат. А кечывалым пакчасаска але шӧр-торык келша маныт. Тидыже теве мо дене умылтаралтеш.

Шуко углеводян да ӱян кочкыш, капкылыште ятыр шокшым ойырен, тугакат ешартыш нелылыкым ышта. Шокшо пагытыште шукыжым белок, витамин да моло активный вещества-влак лийшаш улыт. Нунышт пакча-саскаште, шӧр-торыкышто ситат.

Врач-влак шокшо кечывалым шыл шӱрым, кол лемым шолташ огыт темле. Тыгай годым пура да йошкарушмен вӱд дене ыштыме лем (окрошка) утларак келша. Вишкыде лем деч вара левед кӱктымӧ паксчасаска сай.