Здравоохранений

Башкирийыште илыше 8100 еҥым пудий пурлын, нунын кокла гыч 3111 йоча, тыге увертарат республикысе Роспотребнадзор управленийыште. Кодший дене таҥастарымаште тений полышым йодын мийыше-влак ятырлан шукемыныт. 2019 ий 30 июньышто БР-се гигиене ден эпидемиологий рӱдерыш 7189 еҥ толын лийын.

Калтаса эмлымверын данныйже почеш, тений мемнан районышто 34 еҥым пудий пурлын, тушеч 13 йочам.

Специалист-влак тыгак территорий-влакым обрабатыватлыме нерген данныйым савыктеныт. Специальный раствор дене 3346,1 гектар кумдыкым обрабатыватлыме.

«Кеҥежымсе йоча-влакын каныме лагерь территорий-влакым акарицидный препарат дене обработкылан кугу тӱткыш ойыралтеш. Пудий вашатреш кучедалме меропритяийым 1258,1 гектар кумдыкышто эртарыме», – каласышт региональный Роспотребнадзорышто.