Пайдале ой-каҥаш

Муным кочмеке шӱмжым кудалтеда? Тудо шуко пайдам конден кертеш.

Вургемым ошемдаш манын, ош тӱсан мунышӱмым сайын тӱйыза, йытын куэм гыч ургымо мешакыш кылдыза да вургем мушмо машинаш пыштыза. Тыгодым порошокат шагал кая.

Пеледышлан ӱяҥдыш. Тӱйымӧ мунышӱм ӱмбак вӱдым темза да сутка шинчыктыза. Вара пеледышыш шавыза.

Чурий скраб. Мунышӱмым пленко деч эрыктыза, кофемолкеш порошок марте тыгыдемдыза. Душлан кучылтмо гельыш але чурийым мушмо средствышке изин дене ешарыза. Мунышӱм коваштым тошто клетке деч эрыкта. Тудым чурийлан веле огыл, капланат кучылташ лиеш.