Кидпаша мода гыч нигунам ок лек

Еш, йӧратымаш да ӱшанле улмаш кечын Калтаса район библиотекыште кидпаша выставкым ямдыленыт

Таче, кӱкшӧ технолгий курымышто, шагал иктыже межым шерын, кружевам, коверым пидын, тӱрлен мошта. Калтаса селасе ӱдырамаш-влак кидпашалан мастар улыт. Нуно район библиотеке пелен «Рукодельница» клубым организоватленыт.

Еш, йӧратымаш да ӱшанле улмаш кече вашеш нуно библиотекын лудмо залыштыже шке кид дене ыштыме пашаштым ончктеныт. Тыште тӱрлымӧ мындер ден сӱретым, узоран салфеткым, пидме тӱрлӧ арверым – вургем гыч модыш марте, алмаз вышивке да конешне, тиде пайремын символжо – висвис пеледышым – ужаш лийын.

Выставкыште Людмила Ермолаеван, Нафиса Хабибуллинан, Лидия Юшкован, Людмила Климовскихын, Мария Сатаеван, Ольга Хасанован, Рита Турицинан пашашт-влакым ужаш лийын.

С. Аркадьева.