Тазалык

Кажне емыж, кушкыл чыла еҥлан келшен ок тол. Садлан возымым сайын лудын лекса да шотыш налза.

Алоэ.

Тудым кучылтмаш малый таз орган-влак деке ешартыш вӱрым «покта». Тудым мокш, шекшгалта корштымо, авгудышто вӱр йогымаш, гемморой, цистит, мӱшкыран улмо годым кучылташ огыт темле.

Горчицым шодо туберкулез да верге пуалме годым кочкаш огеш лий.

Гранат вӱдым тыглай вӱд дене варен веле йӱаш лиеш. Тушто пагарым «корышо» да пӱй эмальым пытарыше вещества-влак улыт. Гранатын шӱмжым эскерен кочман. Шуко кочмеке, вуй пӧрдаш, шӧн шупшаш тӱҥал кертыт. Южо еҥын шинчаже удан ужаш тӱҥалеш.

Чайшудо (матрушка) мӱшкыран ӱдырамаш-влаклан огеш темлалт.

Поланыште пурин вещества шуко, садлан тудым верге корштымо да подагре дене орланыше еҥлан кочкаш ок йӧрӧ.

Шоганым шуко кочкат гын, пагар, мокш, верге тургыжландараш тӱҥалыт.

Кешырым пагар йора ден энтерит годым кочман огыл.