Республикыште 30 утла школым мультимедийный комплекс дене пойдарат

Кызытсе жаплан келшен толшо оборудованийым 3 №-ан Краснохолмский кыдалаш школат налеш

Башкир да руш йылме 32 кабинетым тений мультимедийный комплекс дене пойдарат, республикысе образований да науко министерствын пресс-службыштоыжо увертареныт.

Школ-влакым мультимедийный комплекс дене Башкирийыште кугыжаныш йылме ден республикыште илыше моло калыкын йылмыжым арален кодымо шотышто кугыжаныш программылан кӧра пойдарат.

Тидын шотышто конкурс тений шошым эртен. Мультимедийный комплекс интерактивный оҥа, проектор, ноутбук да МФУ гыч шога.

Конкурсым иктешлымеке, пале лийын, тыште республикысе 32 школ сеҥышыш лектын. Нунын коклаште – Калтаса район гыч 3 №-ан Краснохолмский кыдалаш школ.

Кузе Башкирийысе образований министерствыште палемдышт, тачысе кечылан школаште тиде мультимедийный комплекс-влакым шындыме шотышто паша мия. Июль мучаш марте ноутбук ден МФУ-влакым шындышаш улыт. У тунемме ийлан кабинет-влакым тичмашнек пойдарышаш да протестироватлышаш улыт.

Конешне, тыгай полышлан кӧра, республикыште кугыжаныш йылмым тунемме шотышто интерес кугемеш манын ӱшаныме шуэш.

“Башинформ” ИА.